KMSH solidarizohet me familjet e përmbytura

ZK1A0044Komuniteti Mysliman ka dorëzuar disa qindra pako me ushqime në ndihmë të familjeve të përmbytura në jug të vendit, kontribut i besimtarëve myslimanë shqiptarë.

Nënkryetari i Komunitetit Mysliman, z. Bujar Spahiu, i pranishëm në dorëzimin e ndihmave, shprehu falënderimin për të gjithë ata besimtarë nga çdo cep i Shqipërisë, të cilët iu bashkuan thirrjes së institucionit, duke dëshmuar një frymë të lartë humanizmi e solidariteti.

“Falënderoj besimtarët që iu bashkuan kësaj nisme shoqërisht të dobishme, të nxitur nga thirrja e Zotit në Kur’an: “Bashkëpunoni në të mira e devotshmëri” dhe porosia profetike: “Zoti është në ndihmë të robit përderisa ky është në ndihmë të vëllait të vet”, u shpreh z. Spahiu. Ai shtoi gjithashtu se në këtë moment, kur këta banorë nuk kanë pothuajse asgjë, çdo ndihmë është e rëndësishme.

Ndërsa z. Ilir Hoxholli, kryetar i Komitetit Shtetëror për Kultet, falënderoi Komunitetin Mysliman të Shqipërisë por edhe komunitetet e tjera fetare, të cilat janë gjendur pranë këtyre familjeve që në momentet e para të përmbytjes.

Të pranishëm gjatë dorëzimit të ndihmave ishin edhe kancelari i Komunitetit Mysliman, Ylli Cikalleshi dhe drejtori për Çështjet Sociale, Edvin Kuçi.

11 Shkurt 2015

ZK1A0004 ZK1A0043 ZK1A0073 ZK1A0086

You must be logged in to post a comment Login