“Frytet e Besimit” ndalen në Shkodër

Vëllazërimi është një dua e sinqertë dhe një ftesë për mëshirë dhe sukses.

fb- shkoder (1)

Cikli i programeve “Frytet e Besimit” ndalesën e radhës e ka pasur në Shkodër në xhaminë e Parrucës, ku u trajtua çështja e vëllazërisë në Islam.

Kancelari i Komunitetit Mysliman z. Ali Zaimi, duke trajtuar çështjen e vëllazërisë referuar Kuranit dhe traditës profetike, qëndroi në vëllazërinë që Profeti Muhamed a.s. futi në shoqërinë islame, duke e ilustruar këtë vëllazërim me shembuj konkretë.

Kancelari  Zaimi vuri theksin se vëllazëria duhet të jetë jo vetëm ndjesore, por edhe logjike. “Gjërat që na bashkojnë janë shumë më tepër  sesa ato që mund të na ndajnë. Zotin e kemi një, profetin një, fenë një, librin një, kiblen një. Në syrin e urtësisë, të drejtësisë, të jetës individuale dhe shoqërore anësia, smira dhe urrejtja që prodhojnë përçarje, konflikt dhe  armiqësi janë të patolerueshme dhe mjaft të dëmshme për besimtarin dhe shoqërinë islame. Bashkëpunimi dhe vëllazërimi janë kusht i suksesit prej Allahut”, nënvizoi z. Zaimi.

Drejtori i Thirrjes në Islam në KMSH, z. Elvis Naçi,u ndal në sjelljet e përditshme të besimtarëve myslimanë në funksion të ruajtjes së vëllazërimit dhe unitetit. “Megjithëse ndonjëherë mund të jetë e vështirë, më e mira që duhet të bëjmë është ta duam njëri-tjetrin dhe të kërkojmë të mirën e gjithsecilit.” Duke prekur problematikat që përçajnë dhe prodhojnë konflikt në shoqërinë e sotme, z. Naçi theksoi se dashuria dhe vëllazëria për hir të Zotit dhe largimi nga zilia dhe xhelozia, janë ilaçet më efikase për një shoqëri të bashkuar që jeton në harmoni.

Aktivitetit është hapur nga Myftiu i Shkodrës z. Muhamed Sytari me fjalën e tij përshëndetëse dhe pas referimeve të të ftuarve programi ka vijuar  me këndim Kurani dhe ilahi të ndryshme.

Të pranishëm në këtë aktivitet përfaqësues të tjerë nga Komunitetit Mysliman i Shqipërisë, Myftiu i Malësisë së Madhe, z. Edmir Smalaj, imamë të Shkodrës si dhe besimtarë të shumtë.

Të martën e ardhshme ky program do të zhvillohet në xhaminë e Xhurës në Tiranë dhe të mërkurën në xhaminë e Fatih në Durrës.

2 Prill 2014

/Drita Islame/

fb- shkoder (6)

fb- shkoder (2)fb- shkoder (5) fb- shkoder (3)

 

You must be logged in to post a comment Login